Әлмәтлеләр “Безнең заман” фестиваленнән дипломнар белән кайтты

Быел анда «Әлмәт торба заводы», «Татнефть» ААҖ, «Таграс» компаниясе коллективлары, мәгариф идарәсе, «Яшьләр, мәдәният һәм спорт» командасы, Әлмәт политехник техникумы яшьләре чыгыш ясады.

Эшләүче яшьләрнең иҗат фестивале инде дүртенче ел рәттән республика президенты ярдәме белән оештырылып килә. Башта яшьләр төбәкләрдә чыгыш ясады. Әлмәт районыннан барлыгы 60 иҗат командасы катнашты. Аларның берничәсе финалга да узды. 32 районнан безнең коллективларның Гала-концертка узуы яшьләрнең хезмәттә генә түгел, ә иҗатта да сәләтле булуларын дәлилли.