«Кибет» Мәскәүгә юл ала

Ике көн рәттән безнекеләр башкала тамашачысына Олжас Жанайдаров әсәре буенча режиссер Эдуард Шахов сәхнәләштергән «Кибет» спектаклен күрсәтә. 20 мартта 18.00 сәгатьтә Милләтләр театрының кече сәхнәсендә «Кибет» «Россиянең кече шәһәрләре театрлары» фестивале җиңүчесе буларак тәкъдим ителсә, 21 мартта шул ук сәхнәдә «Алтын битлек-2018» милли театр премиясе һәм фестивале номинанты буларак уйналачак. Мәгълүм булганча, «Кибет» спектакле дүрт номинациядә «Алтын битлек»кә дәгъва итә. Әлеге җаваплы иҗади сәфәр алдыннан театр спектакльне 16 мартта үз сәхнәләрендә уйнап, әлмәтлеләрдән хәер-фатиха алмакчы.