Сырганак

Матурлыгы һәм файдалы үзлекләре өчен аны «алтын җимеш» дип атап йөртәләр. Аның составында организм өчен мөһим булган магний, алюминий, кремний, тимер, бор, марганең, титан кебек микроэлементлар, К, Р, В, Е витаминнары бар. Ә каротин кишердәгедән дә күп.

Шикәрле сырганак

1 кг сырганак, 400-500 г шикәр комы.

Юылган сырганакны шикәр комы белән аралаштырып банкаларга тутырырга. 6-8 сәгать салкынча урында тотканнан соң, кимегән өлешенә сырганак һәм шикәр комы өстәргә. 0,5 л лы банканы - 15, 1 л лыны 20 минут 85 градуслы суда пастеризацияләргә.