Премиягә кем лаек?
25 ел дәвамында язучыларга, журналистларга, сәнгать әһелләренә тапшырылып килүче Рафаил Төхфәтуллин исемендәге премия бирү буенча комиссиянең чираттагы утырышында премиягә дәгъва итүче кандидатлар исемлеге игълан ителде.
3 номинациядә бу юлы 6 кеше гариза юллаган. «Җәмәгать һәм агарту эшчәнлеге» номинациясе буенча исә үз эшләрен тәкъдим итүчеләр юк. Хәзер комиссиягә зур һәм җитди хезмәт йөкләнде: эшләрне тикшерү һәм әлеге мәртәбәле исемгә лаек булучыларны билгеләү.
Рафаил Төхфәтуллин исемендәге премиягә дәгъва итүчеләр исемлеге:
«Әдәбият»
Резеда Фәрхетдинова – балалар язучысы, яшь техниклар станциясе педагогы;
Лилия Фәрхетдинова – балалар язучысы, 2 нче мәктәптә укыту эшләре буенча директор урынбасары.
«Журналистика һәм публицистика»
Рәмилә Хәмидуллина – «Луч» ТК Яңалыклар хезмәте корреспонденты;
Динара Нургалиева – «Знамя труда» газетасы корреспонденты.
«Сәнгать»
Луиза Якупова – Нефтьче Мәдәният сарае артист-вокалисты;
Динар Хөснетдинов – Әлмәт татар дәүләт драма театры актеры.
Следите за самым важным и интересным в Telegram-каналеТатмедиа