Әлмәттә кунакчыллык индустриясе буенча тренинг узачак

"Ресторанга килүчеләргә сыйфатлы хезмәт күрсәтү - клиентлар җәлеп итүнең нигезе. Ә белемле персонал кунаклар һәм учреждение арасындагы арадашчы гына түгел, ул табыш китерүче инструмент та", - ди бизнес-тренер Кетеван Джапаридзе. Аның сүзләренчә, клиент яхшы мөгамәләне истә тотып, икеләнүсез учреждениегә кабат әйләнеп кайтачак. Әгәр инде начар сервиска юлыкса, бу хакта ким дигәндә өч кешегә сөйләячәк. Оештыручылар билгеләп үткәнчә, тренинг уздыру тәкъдиме төбәк рестораторлары һәм кунакханә җитәкчеләрендә уңай кайтаваз тапкан.