Әлмәттә машина йөртүчеләргә юл билгесе комачаулый

«Халык контроле»нә Бигәш урамындагы юлга төшерелгән билгегә карата шикаять килгән. Яңа бүленеш полосасы машина йөртүчеләргә кыенлыклар тудыра һәм даими бөкеләрнең сәбәбе булып тора.

Хәбәрдә әйтелгәнчә, Бигәш урамында Төзүчеләр урамы ягыннан юлга тоташ билге төшерелгән һәм Яр Чаллы шәһәренә чыгу өчен бер генә полоса булдырылган. Әминов урамына борылганда даими бөке барлыкка килә. Ә сулга борыла торган машинаны узып китү мөмкинлеге юк.