Әлмәттә инвалидларның I Спартакиадасы ачылды

Бүген Әлмәттә спорт белән шөгыльләнүче 200 дән артык инвалид исәпләнә. Алар республика һәм бөтенроссия күләмендәге ярышларда катнашып, призлы урыннарга ирешәләр. Голбол, футбол, волейбол буенча Әлмәт җыелма командасы - инвалидлар спорты республика фестивале, республика чемпионаты җиңүчесе һәм призеры. Рамил Илалетдинов - чаңгыда узышу буенча дөнья кубогы чемпионы, Армен Маркарян - тимераякта шуу спорты буенча Россия кубогына ия, Ленар Дәүләтов - армспорт буенча Россия чемпионы, Рафаэль Хәйретдинов - армспорт буенча ТР чемпионы.

Ленар Дәүләтов һәм Рафаэль Хәйретдинов Россия җыелма командасы составы кергән һәм алар октярь аенда Польшада узачак армспорт буенча беренче дөнья чемпионатында катнашачак.