Әлмәт муниципаль районы башлыгы призына теннис буенча бөтенроссия турнирында якташларыбыз җиңүчеләр сафында

Әлеге ярышлар беренче тапкыр юбилейлар уңаеннан оештырылды. 6 көн дәвамында бәйгедә илнең 10 төбәгеннән яшь спортчылар көч сынашты. Нефтьчеләр каласының яшь теннис осталары да уңышлы чыгыш ясады. 12 яшькәчә төркемдә малайлар арасында беренче урынны Э. Абайдуллин яулады. Парлы разрядта И. Симакин, Э. Абайдуллин шулай ук беренче баскычка күтәрелде. Р. Харматуллин, Н. Михалев пары икенче урынга лаек булды.