Әлмәтлеләр Ураза бәйрәмен шәһәр паркында бәйрәм итте [+ФОТОЛАР]

Биредә ел саен шәһәр һәм район мөхтәсибәте олылар һәм балалар өчен тамаша әзерләп, бөтен халыкны бәйрәм иттерә. Быел да әлмәтлеләр күпләп килгән идее. Аларны әйләнә-тирәгә таралган хуш исле пылау белән каршы алдылар.
Мөхтәсиб Фәһим хәзрәт Әхмәтҗанов әлмәтлеләргә һәм калабыз кунакларына күтәренке кәеф, киләчәк көннәргә иминлек, хәерле тормышлар, матур гамәлләр һәм гыйбадәтләр кылып, эшләгән гамәлләрнең савабын күреп яшәргә насыйп итүен теләде.
Ураза бәйрәме бүләкләргә бай булды. Парк сәхнәсе дә буш тормады. Корьән сүрәләре, хәдисләр уку буенча да, башка төрле бәйгеләр дә оештырылды. Бәйрәм коймагыннан авыз итү мөмкинлеге дә тудырылды.