Габдрахман белән Тайсуган бәйрәм итте

Габдрахман һәм Тайсуганда Сабантуй кунакларын республиканың атказанган культура хезмәткәре Җәүдәт Иктисанов җитәкчелегендәге үзешчәннәр җыр-биюләр белән каршы алды. Театральләштерелгән чыгышны Әлмәт ат спорты мәктәбендә шөгыльләнүчеләр дәвам итте. Авыл хуҗалыгы идарәсе начальнигы Наил Усманов бәйрәм белән котлап, фидакарьләргә бүләкләр тапшырды. Быелгы "Басу батыры"на традиция буенча бәрән бирделәр. Берәүләр милли уеннарда үзен сынаган арада, икенчеләр концерт карап хозурланды. Авыл халкына Бәширә Насыйрова моңлы җырларын бүләк итте. Концертны Гөлназ Сәфәрова алып барды.