Әлмәт таңнары

Тәртипсез тормыш – аяныч

23 августтан 24 августка кадәр булган төндә Әлмәт районының полиция бүлегенә бер хатын-кыз шалтырата: "Милиция, тизрәк килеп җитегез, монда Бахорин урамындагы йортта бер хатын-кызга кададылар". Тикшерү-опе- ратив төркем кичекмәстән билгеле адрес буенча Урсалы микрорайонына юл ала. Чыннан да, биредәге бер йортта җинаять кылынып, яшь бер хатын үлгән була. Аның гәүдәсендә...

23 августтан 24 августка кадәр булган төндә Әлмәт районының полиция бүлегенә бер хатын-кыз шалтырата: "Милиция, тизрәк килеп җитегез, монда Бахорин урамындагы йортта бер хатын-кызга кададылар". Тикшерү-опе- ратив төркем кичекмәстән билгеле адрес буенча Урсалы микрорайонына юл ала. Чыннан да, биредәге бер йортта җинаять кылынып, яшь бер хатын үлгән була. Аның гәүдәсендә пычак белән кадаудан калган җәрәхәт эзләре табыла. Канлы кухня пычагы янә-шәдә генә ята. Берничә сә- гатьтән соң шушы җинаятьне кылуда гаепләнүче - 1964 елда туган, инде берничә тапкыр хөкемгә тартылган бер ир-ат тоткарлана. Вакыйгалар исә болайрак була.
Авыл йортында тынычлык инде күптәннән бул- мый. Йорт хуҗасы - өлкән яшьтәге ханым монда үзенең 36 яшьлек беркайда да эшләмәүче кызы, кечкенә оныгы һәм пәрвайсыз кияве, төгәлрәк әйткәндә, кызының сөяркәсе белән бергә гомер кичерә. Җәйге чорда 8 яшьлек оныгы да интернаттан әнисе һәм әбисе янына кунакка кайткалап йөри. Өлкәннәр очраклы эшкә йөриләр, акчаларын исә хәмергә тотып бетерә баралар: бөтен дөньяларын онытып эчәләр, шикле компанияләр җыялар, шушында ук талашалар, сугышалар. Җирле участок инспекторы Олег Резанов әлеге гаиләгә еш килеп йөри һәм даими рәвештә кисәтүләр ясап тора.
Җинаять буласы көнне дә үлгән хатынның кызы күршеләренә йөгереп керә һәм йортта булган хәл- ләрне сөйли: өйдә тыныч түгеллеген, әнисенең Нә-фис абыйсы белән бик каты талашуын һәм ашарга юклыгын хәбәр итә. Ә инде берничә сәгатьтән соң балага ирексездән җинаять шаһиты булырга туры килә.
Җинаять кылынган урыннан качкан ирне бө-тен авыл белән эзлиләр. Бераз вакыттан соң полициянең оператив-эзләү чаралары уңышлы төгәл-ләнә: 47 яшьлек җинаять кылуда гаепләнүче тоткарлана һәм кичекмәстән дежур бүлеккә китерелә. Ир-ат исерек булса да, үзе белән нәрсә булганын яхшы хәтерли. Хәзерге вакытта әлеге эшне Әлмәт шәһәр прокуратурасы тикшерә. Бу ир җинаять кылуда гаепле дип табылган очракта, ул җиденче тапкыр җинаять җаваплылыгына тартылачак.
С.Касыймова, Әлмәт районы эчке эшләр бүлеге матбугат хезмәтенең өлкән инспекторы.

Нравится
Поделиться:
Реклама
Комментарии (0)
  • 18 октября 2017 в 10:51
    Здоров