Җинаять һәм җәза
Инвалид коляскадагы әлмәтле көндәшен үтерүдә гаепләнә
Әлмәтлегә карата РФ Җинаять кодексындагы 105 нче маддәнең 1 нче өлеше, ягъни «Кешене аңлы рәвештә үтерү» буенча җинаять эше кузгатылган.
Тикшерү версиясе буенча, агымдагы елның 2 июнендә коляска ярдәмендә хәрәкәтләнүче 43 яшьлек инвалид ханым күрше хатыны һәм элек бергә яшәгән ир белән кәеф-сафа корган.
Әмма ханымда көнләшү хисе барлыкка килү сәбәпле, ул көндәшенең күкрәк өлешенә пычак белән чәнчи. Алган җәрәхәт нәтиҗәсендә хатын-кыз үлә.
Тикшерү барышында ачыкланганча, гаепләнүче элек тә җинаять җаваплылыгына тартылган булган. Ул үз гаебен тулысынча таныган.
Хәзер әлеге вакыйганың нечкәлекләре ачыклана. Тикшерү дәвам итә.
Следите за самым важным и интересным в Telegram-каналеТатмедиа
Оставляйте реакции
