Әлмәт таңнары

Бала үлеменнән соң Әлмәттә тикшерүләр башлана

Бүген Татарстан прокуратурасы башлыгы Илдус Нәфыйков Әлмәт прокурорына имин булмаган гаиләләрне ачыклау юнәлешендә җирле органнарның эшен тикшерүне йөкләде.

Моңа кичәге гадәттән тыш хәл сәбәпче булган. Искәртеп үтәбез, Әлмәттәге бер фатирда 8 яшьлек баланың һәм аның әнисенең үле гәүдәләре табылды.

ТР прокуратурасы хәбәр иткәнчә, шәһәрнең бер балалар бакчасында эшләүче 38 яшьлек тәрбияче һәм аның 8 яшьлек улының үле гәүдәләрен гаилә башлыгы табып ала. Тикшерү мәгълүматлары буенча, малай буып үтерелгән, ә аның әнисе, фаразлар буенча, үзен-үзе үтергән.

ТР прокуратурасының үзәк аппаратында баланы үтерү турындагы җинаять эшен тикшерү аерым контрольгә алынган.

Реклама

Чыганак

18+

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: