Җинаять һәм җәза
Әлмәт хокук сакчылары әни кешегә урланган балалар коляскасын кайтарган
Агымдагы елның гыйнвар башында Әлмәт районы буенча Россия Эчке эшләр министрлыгының дежур частена 38 яшьлек хатын-кыз мөрәҗәгать иткән.
Яшь әни хәбәр иткәнчә, подъезддан аның 64 меңлек балалар коляскасы югалган.
Урынга тикшерү-оператив төркем чыга. Оператив-эзләү чараларын үткәрү барышында җинаятьче ачыклана. Ул элек хөкем ителгән 48 яшьлек әлмәтле булып чыкты. Кирәкле тикшерү эшләре үткәрелгәннән соң полиция хезмәткәрләре колясканы әни кешегә кайтаралар.
Тоткарланган ир-атка карата РФ ҖК 158 маддәсенең 2 өлешендә каралган җинаять составы билгеләре буенча җинаять эше кузгатылган.
Следите за самым важным и интересным в Telegram-каналеТатмедиа
Оставляйте реакции
