Әлмәттә полиция хезмәткәрләре православие тәресен сындыручыны тотканнар

Әлмәттә ТР буенча Эчке эшләр министрлыгы хезмәткәрләре Россия эчке эшләр министрлыгының Лениногорск районы буенча хезмәттәшләре белән берлектә Томск өлкәсендә туган 31 яшьлек кешене тоткарлаган, ул православие тәресен сындырган. Бу хакта ТР буенча эчке эшләр министрлыгының матбугат хезмәте хәбәр итә.

Җинаятьчене социаль челтәрләрдә урнаштырылган видеоязмалар ярдәмендә ачыклый алганнар. Бер язуда ир-ат тәре сындыра, икенчесендә — көч белән песине автомобильгә ыргыта. Хәзерге вакытта әлеге факт буенча тикшерү үткәрелә, аның нәтиҗәләре буенча Россия Федерациясе законнары нигезендә карарлар кабул ителәчәк.