Әлмәттә кассирны яшүсмергә алкоголь саткан өчен штрафка тартканнар

Шәһәр суды матбугат хезмәтеннән хәбәр итүләренчә, 15 августта Әлмәттәге кибетләрнең берсендә балигъ булмаган сатып алучыга  0.75 литрлы, 8% алкоголле эчемлек сатканнар. Сатучы 1995 елның 22 ноябрендәге 171-ФЗ номерлы Федераль законның 16 статьясының 2 өлеше таләпләрен бозган. Аны РФ КоАП 14.16 маддәсенең 2.1 өлеше буенча административ җаваплылыкка тартканнар. Кассир гаебен таныды һәм кылган эшенә үкенде. Мировой судья аңа 15 000 сум күләмендә штраф рәвешендә җәза билгеләде.