Әлмәттә полиция хезмәткәрләре наркопритон тапты

Әлмәттә «Үлем белән сату итүчеләр турында хәбәр ит» акциясе кысаларында наркотиклар әйләнешен контрольдә тоту буенча хезмәткәрләр үз фатирын наркотиклар куллану өчен кулланган 51 яшьлек әлмәтлене тоткарладылар, дип хәбәр иттеләр Россия Эчке эшләр министрлыгының ТР буенча матбугат хезмәтендә.

Оперативниклар ир-атның наркоманнар өчен даими торак биргәнен ачыклаган. Фатирда наркотик эзләре булган савыт-саба табылган. Бу факт буенча җинаять эше кузгатылган. Фатир хуҗасына 4 елга кадәр колония яный.