Әлмәттә мошенник Роспотребнадзор исеменнән эшмәкәрләрдән акча таләп иткән
Ведомство мондый фактлар турында кичекмәстән үзләренә хәбәр итүне сорый.
Татарстан буенча Роспотребнадзор идарәсенә билгесез кеше тарафыннан мошенниклык гамәлләре турында мәгълүмат килде, ул үзен Роспотребнадзор хезмәткәре дип таныштырган һәм Әлмәт районы эшкуарларыннан акча таләп иткән. Бу хакта ТР Роспотребнадзор матбугат хезмәте хәбәр итә.
"Шалтыратулар +792388865 номерыннан башкарылган. Шалтыратучы үзен Илдар Рафаил улы дип таныштырган һәм идарәнең территориаль бүлеге ихтыяҗларына акча күчерергә тәкъдим иткән", - дип билгеләп үтелә ведомство хәбәрендә.
Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсенең бу мошенник гамәлләренә бернинди катнашы да юк, дип ассызыклана.
Идарә гражданнарга уяулык турында искәртеп мөрәҗәгать итте. Мондый очраклар турында (843) 238-53-08 телефоны буенча хәбәр итәргә кирәк.
Следите за самым важным и интересным в Telegram-каналеТатмедиа
Оставляйте реакции
