Россиядә коронавирус инфекциясенең үтә йогышлы штаммы тарала

Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтендә (Роспотребнадзор) журналистларга шулай дип белдерделәр. Бу хакта «Труд» газетасы яза, дип хәбәр итә "Татар-информ".

«Базага шулай ук Omicron геновариантының BA.4 һәм BA.5 линияләренә карый торган сиквенслар да кертелгән. Тиешле материаллар май ахырында алынган», - диелә ведомство хәбәрендә.

«Омикрон»ның ВА.4 һәм ВА.5 субвариантларын быелның апрелендә Бельгиянең Лёвен католик университеты вирусологлары тапкан. Моннан башка да үтә йогышлы штаммның әлеге төрләре кешедән кешегә йогу тизлегенең югары һәм иммун җаваптан качуда бик нәтиҗәле булуы белән аерылып тора.

12 июньдә Роспотребнадзорның Эпидемиология Үзәк фәнни-тикшеренү институтының геном тикшеренүләр лабораториясе мөдире Камил Хафизов Россиядә ВА.4 субварианты табылуы турында белдерде.