Коронавирус
Татарстанда тагын 10 кешенең коронавирус аркасында гомере өзелгән
Covid-19 дан үлүчеләрнең гомуми саны 927гә җиткән.
Татарстанда тагын 10 кеше коронавирустан үлгән. Бу хакта ТР Сәламәтлек саклау министрлыгының матбугат хезмәтендә хәбәр иттеләр.
Җиде ир-ат һәм өч хатын-кыз коронавирусның корбаны булган. Пациентларның үлү сәбәпләрен патологоанатомик экспертиза нәтиҗәсендә ачыклаганнар. Covid-19 идентификацияләнгән.
Татарстанның сәламәтлек саклау министрлыгында вафат булганнарның туганнарының һәм якыннарының кайгыларын уртаклашалар.
24 октябрьгә Татарстанда коронавирус ачыкланган очракларының гомуми саны 29 540 га җиткән. 24 611 кеше терелгән, 927 кеше үлгән.
Следите за самым важным и интересным в Telegram-каналеТатмедиа