Табиб коронавирус инфекциясенең «Мю» штаммы үзенчәлекләре турында сөйләде
Хәзерге вакытта Россиядә әлеге штаммны йоктыру очраклары ачыкланмаган.
Бөтендөнья сәламәтлек саклау оешмасы белешмәче буенча, коронавирусның «Мю» штаммы «Дельта»га караганда куркынычсызрак, әмма аның хакында мәгълүмат җитәрлек түгел әле. Аллерголог-иммунолог Владимир Болибок шулай дип белдерде.
«Бөтендөнья сәламәтлек саклау оешмасы аны „кызыксыну уята“ дип тапты. Анда билгеләп үтүләренчә, сәламәтлек саклау органнарына әлеге штаммның таралуын күзәтергә кирәк», — диде белгеч «Звезда» телеканалы журналистларына.
Коронавирусның әлеге варианты Көньяк Америкадан тарала башлады. Белгечләр әйтүенчә, аны кешеләр алга таба да йоктырачак, әмма массакүләм куркыныч турында сөйләргә әле иртәрәк.
Бу штаммның генетик кодында гадәти булмаган мутация бар, аның кеше организмына йогынтысы әле бик аңлашылып бетми. Болибок билгеләп үткәнчә, хәзерге вакытта Россиядә әлеге штаммны йоктыру очраклары ачыкланмаган.
Следите за самым важным и интересным в Telegram-каналеТатмедиа