Татарстанда коронавирустан массакүләм вакцинация башланды
Прививкага теләгән һәр кеше языла ала.
“Теләгән һәр кеше яшәү урыны буенча хастаханәдә Covid-19дан прививка ясата ала”, - дип расладылар ТР сәламәтлек саклау министрлыгының матбугат хезмәтендә.
“Спутник V” вакцинасының бер ампуласы биш кешегә исәпләнгән, ә аны ачканнан соң яраклылык вакыты нибары ике сәгать кенә, шуңа күрә татарстанлылар вакциналаштыруга җаваплы карарга һәм медицина учреждениесенә билгеләнгән вакытта гына килергә тиеш.
“Спутник V” - ике фазалы вакцина, бер тапкыр прививка ясатканнан соң 21 көн үткәч, тагын прививкага барырга кирәк булачак. Ике фаза арасында ОРВИ симптомнары барлыкка килсә, вакцинацияне өзәргә туры киләчәк, шуңа күрә үз сәламәтлегеңне икеләтә сакларга кирәк.
Следите за самым важным и интересным в Telegram-каналеТатмедиа
Оставляйте реакции
