Коронавирус
Татарстанда битлек режимын 2022 елга кадәр озайттылар
Россиядә Covid-19 аркасында кертелгән барлык санитар-эпидемиологик таләпләрне 2022 елның 1 гыйнварына кадәр озайту турында карар имзаланды.
Алар арасына битлекләр, антисептиклар, социаль дистанцияне үтәү керә. Бу хакта Роспотребнадзорның ТР буенча идарәсе җитәкчесе урынбасары Любовь Авдонина сөйләде.
"Санитар кагыйдәләрне үзгәртү турында карар бар, ул аларның гамәлдә булуын 2022 елның 1 гыйнварына кадәр озайта. Битлек режимы бу кагыйдәләргә керә", — дип билгеләп үтте Авдонина.
Ул, язын, санитар-эпидемиология вәзгыяте уңай булган очракта, режимны бетерү мөмкинлеген карарга мөмкин, дип өстәде.
Следите за самым важным и интересным в Telegram-каналеТатмедиа