Татарстанда перчаткаларны мәҗбүри йөртү гамәлдән чыгарыла

17 августтан Татарстанда җәмәгать урыннарында перчаткаларны мәҗбүри йөртү гамәлдән чыгарыла. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында узган киңәшмәдә хәбәр итте.

"Перчаткаларны мәҗбүри йөртү гамәлдән чыгарыла. Мөрәҗәгатьләр бик күп. Без аңлыйбыз, бар җирдә дә бар кул юу/эшкәртү чаралары. Бу антисептиклар булган җирдә без перчаткаларны мәҗбүри йөртүне гамәлдән чыгарабыз", - диде ул.

Шул ук вакытта, элеккечә үк, җәмәгать урыннарында битлек кияргә кирәк.