Әлмәттә кечкенә бала үлү факты буенча җинаять эше кузгатылды

Моның белән бәйле «Саксызлык аркасында үлем китерү» маддәсе буенча җинаять эше кузгатылган.

Россия Федерациясенең Татарстан Республикасы буенча Тикшерү комитетында хәбәр итүләренчә, тикшерү версияләренең берсе буенча, фаҗига вакытында әнисе кечкенә бала белән шөгыльләнгән, бу вакытта өлкәнрәк бала тәрәзә төбенә менеп, тәрәзәне ачкан, москит челтәренә таянган. Нәтиҗәдә, конструкция баланың авырлыгын тотмаган һәм ул тәрәзәдән төшкән.

Бу хәлнең барлык шартларын билгеләүгә юнәлтелгән тикшерү эшләре дәвам итә.