Әлмәт янындагы "Кәләй" НПСында үлем очрагы турында тикшерү тәмамланган

Татарстанда Әлмәт районы Кәләй авылы янындагы нефть кудыру станциясе территориясендә ике эшченең үлем факты буенча җинаять эшен тикшерү төгәлләнде. ТР буенча Тикшерү идарәсе хәбәр иткәнчә, гаепләнүчеләр – «Альп-Высотка компаниясе» 41 яшьлек мастеры һәм «Транснефть-Прикамье» «Кәләй» НПСының 51 яшьлек механигы.

Тикшерү версиясе буенча, ирләр "шартлау куркынычы булган объектларда куркынычсызлык кагыйдәләрен бозу" маддәсе буенча җинаять кылуда гаепләнә, шуның аркасында ике эшче һәлак була.

Вакыйга 2019 елның 4 декабрендә булды. Кәләй авылы янындагы нефть кудыру станциясендә эксплуатацияләнми торган резервуарны чистарту эшләре вакытында шартлау булган. Шуның аркасында 1978 һәм 1990 елларда туган ике эшче вафат булган.
Тикшерү фаразлаганча, эшләрне башкарганда булган күпсанлы хокук бозулар фаҗигагә китергән.

Резервуар эчендә противогазлар, иминият пояслары һәм баулар булмаган, газ анализаторлары кулланылмаган. Эшчеләр синтетик кием-салымнан булганнар һәм шуның өстенә резервуарда тәмәке тартканнар.

Тикшерү дәлилләр белән җитәрлек база туплаган. Җинаять эше судка җибәрелгән.