Әлмәт районында мунча янган
4 декабрьдә Улаклы Чишмә авылында шәхси хуҗалыкта янгын чыга.
Мунча януы ачыкланган. Янгынның гомуми мәйданы 24 квадрат метрны тәшкил иткән. Күрше корылмалар зыян күрмәгән.
Һәлак булучылар һәм зыян күрүчеләр юк. Янгынның сәбәбе ачыклана.
Россия гадәттән тыш хәлләр министрлыгы ТР буенча баш идарәсенең Әлмәт муниципаль районы буенча надзор һәм профилактик эшләр бүлеге башлыгы вазифаларын башкаручы Равил Хөсәенов район халкын янгын куркынычсызлыгы кагыйдәләрен үтәргә өнди: җылылык мичләрен караучысыз калдырмаска, аны озак вакыт ягып тормаска, электр җиһазларының һәм электр үткәргечләренең төзеклеген күзәтеп торырга, өйдә тәмәке тартмаска һәм башка кагыйдәләрне бозмаска кирәк.
Следите за самым важным и интересным в Telegram-каналеТатмедиа
Оставляйте реакции
