Фаҗигаләр
Әлмәтле эш урынында һәлак булган
Бәхетсезлек очрагы 15 майда Совет урамындагы төзелештә булган.
19 яшьлек эшче 10 кат биеклектән егылып төшеп һәлак була.
Башлангыч мәгълүматларга караганда, фаҗиганең сәбәбе-куркынычсызлык техникасын бозу.
Бу урынга Әлмәт прокурорының беренче урынбасары Марсель Гыймаев чыкты.
"Хезмәтне саклау турындагы закон таләпләрен үтәүне тикшерү оештырылган. Бу хәлнең шартлары ачыклана", - дип хәбәр итте ТР прокурорының өлкән ярдәмчесе Руслан Галиев.
Төзелештә куркынычсызлык кагыйдәләрен бозу турында җинаять эше кузгатылды.
Тикшерү күзәтчелек ведомствосында контрольгә алынды, дип өстәде Руслан Галиев.
Следите за самым важным и интересным в Telegram-каналеТатмедиа