Камада балыкчылар әйләнгән. Биш кешенең икесен эзлиләр...

Күрүчеләр Кама елгасында ярдан йөз метр ераклыкта көймә әйләнгәнен хәбәр итә. Коткаручылар барып җиткәндә 31 һәм 28 яшьлек ике ирне, 25 яшьлек бер хатын-кызны коткарган булалар. Ә тагын ике ирне таба алмыйлар. Әлеге компания эчеп утырганнан соң үзләре ясаган алюминий көймәдә Каманы йөзеп чыкмакчы була. Әмма көчле дулкын көймәне әйләндереп каплый. Суга батучы кешеләр ярдәм сорап кычкыра башлый. Күрүчеләр моторлы көймәсе булган бер кешегә мөрәҗәгать итә. Аның белән тагын бер ир өч батучыны коткара. 26 һәм 43 яшьлекләрен һаман эзлиләр. Көчле җил коткаручыларның эшен кыенлаштыра.