Әлмәтлеләргә урманнарга бару киңәш ителми

Татарстанлыларга урманнарга бару һәм аларның территорияләренә машиналарда керү тыела. Бу хакта республика Премьер-министры Алексей Песошин белдерде.

Чикләүләр Әлмәт урманнарына да кагыла. Моннан тыш, күрше районнарның: Азнакай, Бөгелмә, Зәй, Лениногорск районнарының урманнарына да барып булмый.

Әгерҗе, Аксубай, Әлки, Арча, Баулы, Биләр, Болгар, Буа, Алабуга, Яшел Үзән, Ислейтар, Кайбыч, Кама, Кызыл Йолдыз, Лаеш, Лубян, Мамадыш, Минзәлә, Түбән Кама, Норлат, Идел буе, Шәһәр яны, Саба, Тәтеш һәм Чирмешән урманчылыкларында булу тыела.

Өч атна дәвамында урманга йөрергә ярамый. Янгын куркынычының дүртенче һәм бишенче класслары аркасында мондый чикләү чаралары кертелде.

Таләпләрне үтәү процессын республика урман хуҗалыгы министрлыгы контрольдә тотачак.