Әлмәт таңнары

Тирә-юньдә матурлык - уртак хезмәт

14 октябрьдә кышкы чорга әзерлек алдыннан шәһәрне җыештыру буенча санитар җомга оештырылды. Әлмәтлеләр бу көнне бердәм булып әйләнә-тирәбезне чистартуга үз өлешен кертте.

Җомга иртәсе кояшлы, аяз, җылы булуы белән барча халыкны өмәгә чакырды. Бу көнне һәр тарафта гөрләшә-шаулаша яфрак, чүп-чар җыйган, калабыз урамнарына, ишегалларына икенче сулыш өргән шәһәрдәшләребезнең хезмәте Әлмәткә көзге бүләк булгандыр. Үзенең чисталыгы, төзеклеге, матурлыгы белән башкаларга үрнәк саналган һәм төрле бәйгеләрдә югары бәяләнгән нефтьчеләр башкаласы моңа лаек. Бүген тирә-юнь ялт итеп тора. Әлеге нәтиҗәгә ирешүдә санитар җомгада барлыгы 8 меңнән артык кеше катнашкан, аларның көче белән 68 берәмлек техника чүп түгелгән.
Экология һәм табигатьтән файдалану департаменты директоры А.Маликов сүзләренә караганда, шәһәргә керү юлларын, чишмәләрне һәм беркетелгән яшел зоналарны урта-махсус һәм югары уку йортлары студентлары чүп-чардан тазарткан һәм барлыгы 9 берәмлек техника чүп түгелгән. Аеруча медицина училищесы, Әлмәт дәүләт нефть институты, АГИМС, ТИСБИ студентлары аерылып торган.
Ишегалды территорияләрен чистартуга "ЖЭУ-10", "ЖЭУ-7", "Надежда" җәмгыятьләре аеруча җаваплы караган. Идарәче компанияләр тарафыннан хезмәт күрсәтелүче территорияләрдән 16 берәмлек техника чүп чыгарылган. Шәһәр предприятиеләрендә һәм учреждениелә- рендә эшләүче 7353 кеше катнашып, ТОСМСларга караган һәм беркетелгән биләмәләрне чистарткан. Аеруча 3 а (баш предприятиесе "АРСУ"), 4 ("Татнефтегазпереработка"), 6 ("Ямашнефть"), 9 б ("Әлмәтнефть"), 10 нчы ТОСМСлар ("СМП-Нефтегаз" ААҖ), мәгариф, мәктәпкәчә белем бирү, сәламәтлек саклау идарәләре санитар җомгада актив катнашкан.
Әлмәтебездә агач утырту да дәвам итә. 8 октябрьдә булып үткән "Урман утырту көне" республика акциясе кысаларында да калабызны яшелләндерү буенча зур эш башкарылган. 5 октябрьдән алып бездә якынча 6 меңләп агач "үсеп чыккан". Территорияләрне яшеллән- дерүдә 2720 кеше үз өлешен керткән. 2 нче (УК "ТМС-Групп"), 3 а ТОСМСлары ("АРСУ"), "ЖЭУ-10", "ЖЭУ-12", медицина училищесы, Әлмәт дәүләт нефть институты, мәгариф, балалар һәм яшьләр эшләре буенча идарәләр коллективларының хезмәте югары бәяләнә. Авыл җирлекләре көче белән әлеге чорда 1600 ләп агач утыртылган.
Күрәсез, әлмәтлеләрнең уртак йортыбызны тәртиптә тотуга, аны тагы да ямьлерәк итүгә керткән хезмәте бары тик мактау сүзләренә генә лаек һәм республиканың башка калаларына үрнәк булып тора. Киләчәктә дә әлеге юлдан тайпылмыйча, изге гамәлләрдә актив катнашыйк!
Экология һәм табигатьтән файдалану департаменты биргән мәгълүматлар буенча Г.ГЫЙЗЗӘТУЛЛИНА әзерләде.

Нравится
Поделиться:
Реклама
Комментарии (0)
  • 23 ноября 2017 в 08:59
    Сохранение родного языка
  • 18 октября 2017 в 10:51
    Здоров