Татарстанда урманнарны авиация ярдәмендә патрульләү башланды

Авиа маршрут республиканың 14 муниципаль районы территориясе өстеннән уза. Аның озынлыгы - 568 км. Авиапатруль белән беррәттән янгын куркынычы булган җир өсте һәм космик мониторинг да дәвам итә.

Татарстан урманнарында янгын куркынычы сезоны 6 апрельдә ачылды.
Урманнарда яшь ылыслыкларда, көекләрдә, зарарланган урман кишәрлекләрендә, торфяникларда, кисү урыннарында, кипкән үлән булган урыннарда, агач түтәлләре астында учак ягу тыела.

Шулай ук янган шырпы, тәмәке тартучы трубкалардан кайнар көл, пыяла ташларга, янучан материаллардан сыгышлар ауларга, майлы яки сеңдерелгән ягулык материалларын (кәгазь, тукыма, пакль, мамык һ.б.) калдырырга, урманны калдыклар һәм чүп-чар белән чүпләргә ярамый.