Әлмәт районында балалар Татарстандагы иң тирән күл территориясен төзекләндерергә булышты
Ял итүчеләр еш кына Әлмәт районындагы уникаль табигать һәйкәле янында чүп-чар калдыралар.
Акташ территориясендә тәртипне Әлмәт районының Кәләй авыл җирлеге җитәкчеләре, туган якны өйрәнүчеләр, геологлар, шулай ук Таһиров исемендәге 1 нче лицей һәм җирле мәктәп укучылары урнаштырды. Бу хакта Татарстан биоресурслар буенча дәүләт комитеты матбугат хезмәтендә хәбәр иттеләр. Акташ күле - уникаль табигать һәйкәле. Ул республикада иң тирәне. Ул узган гасырның 30 нчы елларында, җирнең карст куышлыгына төшүе вакытында барлыкка килгән. Ял итүчеләр еш кына үзләреннән соң калдыклар калдыралар. Шуңа күрә активистлар чистартырга уйладылар. Алар табигать һәйкәле территориясен чүп-чардан чистарттылар, койманы буядылар һәм агачлар утырттылар. Соңгылары тыюлык хезмәткәрләре күзәтүе астында үсәчәк.
Фото: ojm.tatarstan.ru
Следите за самым важным и интересным в Telegram-каналеТатмедиа