Әлмәт укучылары кыярны тәрәзә төбендә үстерә

Тәрәзә төбендә үсемлекләр үстерү укучыларны  бик җәлеп итә. Табигать сыйларыннан авыз итү белән бергә үсемлекләрнең яшелеге күзләрне дә иркәли. Беренче язгы яшел тәмләткечләрнең тәрәзә төбендә үк өлгерүен күрү сөенеч. Суган, петрушка, укроп, кыяр һәм хәтта салат яфракларын тәрәзә төбендә үстерергә мөмкин. Эшнең практик әһәмияте биология һәм авыл хуҗалыгы хезмәте дәресләрендә, өндәлек тормышта алынган белемнәрне кулланудан гыйбарәт.

Проектны тормышка ашыру балаларда әхлакый – кыйммәтле сыйфатлар формалаштыруга, экологик культура һәм тикшеренү эшчәнлегенә карата кызыксыну уятуга, шулай ук һөнәри үзбилгеләнешкә ярдәм итәчәк.