Дин
Әлмәт хаҗилары юлга кузгалды
Әлмәтлеләр Татарстан мөселманнары төркеме белән 6 август төнендә Хаҗга юл тотты.
Шулай ук бүген юлга кузгалучылар да бар, 10, 15 августта да хаҗилар изге сәфәргә җыена. Быел барлыгы 20 дән артык әлмәтле үз хыялын тормышка ашырачак. Хаҗ кылырга баручылар өчен өч төрле программа тәкъдим ителгән: 14, 20, 25 көнлек. Шәһәр һәм район имам-мөхтәсибе Фәһим хәзрәт Әхмәтҗанов Мәккәгә җыенучылар белән Үзәк мәчеттә очрашып, аларны төп таләпләр белән таныштырды. Биредә хаҗиларга бер-берсен танып белү өчен махсус букчалар, карта һәм блокнотлар да тараттылар.
Следите за самым важным и интересным в Telegram-каналеТатмедиа