“Хозур” нәшрият йортында Әбү Габдуллаһ Мөхәммәд Әл-Кудагый китабы чыкты
Татар телендә чыккан бу хезмәт һәркемне кызыксындырган үлем һәм ахирәт белән бәйле булган сорауларга җавап бирә.
“Хозур” нәшрият йорты Әбү Габдуллаһ Мөхәммәд Әл-Кудагыйның “Дакаикуль-әхбәр” исемле китабын нәшер итте. Бу турыда Татарстан мөселманнарының Диния нәзарәте матбугат хезмәте хәбәр итте.
фото:dumrt.ru
Әлеге басма татар телендә һәм ул 3000 данәдә басылган. Бу хезмәт һәркемне кызыксындырган үлем һәм ахирәт белән бәйле булган сорауларга җавап бирә. Коръән аятьләре һәм Пәйгамбәребез галәйһис-сәлам хәдисләренә таянып, вәгазь-нәсыйхәтләр рәвешендә язылган әсәр адәм балаларына тормышка җитди карарга, камилләшергә, тәкъвалыгы һәм ихласлыгын арттырып, Аллаһы Тәгаләгә якынаерга этәргеч булып тора, диелгән әлеге хәбәрдә.
- Әлеге китапны Россия ислам институтында алырга, яисә www.huzurshop.ru сайтында офлайн рәвешендә заказ бирергә була.
фото:dumrt.ru
Следите за самым важным и интересным в Telegram-каналеТатмедиа
Оставляйте реакции
