Әлмәттә балаларга аттракционнарга бушлай билетлар таратылды

Аттракционнарга бушлай билетлар, пылау, конкурслар, хәйрия төшке ашы...Паркта  Корбан бәйрәме узды.

Волонтер-дебютант Юлия Борханова быел хәйриячеләргә кушылырга уйлаган. Элек Юлиянең волонтер тәҗрибәсе булмаган. Бер сәгать эчендә сатып алучылар кибет киштәсеннән әйберләрне аз алган.

«Мин күбрәк алуларын теләр идем. Мондый игелекле эшкә күбрәк кеше кушылсын иде. Максат исә берәр әйберне сату яки сатып алу түгел, ә сәламәтлек мөмкинлекләре чикләнгән балаларга ярдәм итү», –  «Ансар» хәйрия фонды волонтеры Юлия Борһанова.

Ә стажы булган волонтерлар әйтүенчә, ярминкәләр ел саен 10 000 сумга якын акча җыя. Моннан тыш, алар корбан хайваннары итен башка мохтаҗларга тапшыралар. Шәһәр һәм районның күп балалы гаиләләренә, тыл хезмәтчәннәренә, ветераннарга, инвалидларга итараталар.

«Бәйрәмнең өч көнендә без корбан итен җыябыз. Бу гадәттә 10-15 тонна, һәм без аны шунда ук тапшырырга тырышабыз. Әлбәттә, туңдыргычта урын бар, ләкин ул бик күпне сыйдыра алмый. Бу көннәрдә тапшырып бетерәчәкбез», – ди «Ансар» хәйрия фонды җитәкчесе Руслан Бажутов.

Тагын бер традиция-хәйрия төшке ашлары үткәрү. Бу юлы кафега 80 оешма әгъзасы җыелган: сукырлар, саңгыраулар һәм терәк-хәрәкәт аппараты зарарланган кешеләр.

«Бу инвалидларның социаль адаптациясе өчен бик мөһим. Безнең җәмгыять инвалидларны көндәлек тормышта, хезмәт эшчәнлегендә, көнкүрештә, урамда гына кабул итәргә әзер түгел. Күп кенә инвалидлар ярдәмгә  мохтаҗ», – ди Илнур Мостафин, Әлмәт сукырлар җәмгыяте әгъзасы.

Ә төп сәхнәдә Коръән укучылар конкурсы узды, җиңүчеләр татлы призлар алды. Тагын 2000 бушлай аттракцион билеты балаларга таратылды.