Авыл хуҗалыгы
Әлмәттә авыл хуҗалыгы ярминкәләре дәвам итә
21 сентябрьдә "Көнбатыш" сәүдә комплексында узган авыл хуҗалыгы ярминкәсендә Токарликов исемендәге, "Чагылтау", "Ярыш", "Чулпан" һәм башка хуҗалыклар катнашты.
Сатуга ит, яшелчә, сөт, икмәк-күмәч әйберләреннән тыш бөртеклеләр һәм башка төр терлек азыгы да куелган иде. Мәдәният идарәсенең иҗат коллективы чыгышлары ярминкәгә килүчеләрнең кәефләрен тагын да күтәрде. Сатучылар һәм халык белән аралашканнан соң район башлыгы Мәҗит Салихов ярминкәләрне октябрь аена кадәр озайтырга кирәк дигән фикердә торуын белдерде. Чираттагы ярминкә 5 октябрьдә үтәчәк.
Следите за самым важным и интересным в Telegram-каналеТатмедиа