Әлмәт таңнары

Уңышка ышанган кеше генә аңа ирешә

Тырышкан кешегә үз-үзен эш белән тәэмин итү мөмкинлекләре бар дигән фикердә тора Нәдер авылында яшәүче Илгиз Хәйдәров та. Ул үзенең фидакарьлеге белән районыбызның мактаулы фермерларыннан санала.

Аның фермер булып китүе 1991 елларга барып тоташа. Эшчәнлеген Илгиз Могыйнович суган, кишер, чөгендер кебек яшелчәләр үстерүдән, бодай, арпа культуралары игүдән башлый. Бүлеп бирелгән 33 гектары соңрак пайчылар җире хисабына тагын да арта. Башта аңа 27 пайчы җирен арендага бирә, аннан соң аларның саны 38 гә җитә. Бүгенге көндә фермер 42 пайчы белән эшли. Хәзер ул тулаем алганда 246 гектар җир эшкәртә. Ассызыкланганча, шуның 33 гектары үзенеке. Фермер әле дә яшелчәләр үстерүен дәвам итә. Узган ел 6 гектар җирдә бәрәңге утырткан, 4 гектарда кишер, 1 гектарда кызыл чөгендер үстергән. Үз төбәгебездә игелгән яшелчәләр үзебезнең балалар бакчаларын һәм мәктәпләрне яшелчә белән тәэмин итүче оешмага тапшырылган. Бу бик сөенечле күренеш, әлбәттә. Яшелчәләрдән тыш Илгиз Хәйдәровның иген кырында бодай, арпа, карабодай да үсә. Боларга өстәп ике ел ярым элек ул бытбылдыклар үрчетә башлаган. Шунысын да искәртеп узарга кирәк, Әлмәт районында моңа кадәр кошларның әлеге төрен үрчетү белән шөгыльләнгән кеше юк иде. Нигә кошчылыкны да үз итәргә булдыгыз дигән сорауга ул:
- Бодай, арпа үстереп кенә, ягъни бер юнәлештә генә дөнья көтеп булмаганын тормыш үзе күрсәтә. Димәк, тагын нәрсә белән булса да шөгыльләнергә кирәк. Шушы уйлар белән Интернетта куяннарны ничек асрарга кирәклеге белән кызыксынып утырдым. Йорт кошларын да карап чыктым. Эзләнә торгач, бытбылдыклар сайты килеп чыкты. Башта болай гына укып чыктым. Аннан үземә кирәк мәгълүматларны принтердан чыгарып, китап ясап укыдым. Бытбылдыкны теоретик яктан асрарга өйрәндем. Хәзер аларны табасы гына калды. Баксаң, Сарман районының Рангазар авылында гына берәү бытбылдыклар үстереп ята икән. Аларны урнаштырырга урын да кирәк бит әле. Минем элек кибетем бар иде. Файдасы булмагач, аны ябарга туры килде. Шуның складына Интернетта күрсәтелгән схема буенча читлекләр ясатып тутырдым. Чебиләргә дә ясле ясадым. Зур инкубаторга 800 йомырка урнаштырырга була. Барысын да җайладым инде, - диде ул.
Әлбәттә, эшкә керешү белән үк ул шунда ук үргә менә башламый. Илгиз Хәйдәровның да баштагы мәлләрдә уңышсызлыклары була. "Нәрсә ашатырга белмисең. Кайчак йомырка да салмыйлар. Үлгәләделәр дә. Бер елдан соң гына җайга салынып, ныклап эшләп киттем", - ди фермер авырлыклар алдында туктап калмаска кирәклегенә ишарәләп. Аның каравы ул хәзер бытбылдыкларны ничек тәрбияләргә, үрчетергә мөмкин булуы турында барысын да белә.
Теге яки бу эш табыш китерми диючеләр дә бар. Әмма Нәдер фермеры башка фикердә. "Бөтен яклап та акча эшләргә була, - дип исәпли ул. - Эшкә кул яту дигән әйберне дә онытырга кирәкми. Әгәр күңел биреп эшләсәң, һәрбер эш файда китерә дияр идем. Аңа җаның-тәнең белән кереп китәргә кирәк. Мин бытбылдыклар белән сөйләшәм, аларга "матурларым, сандугачларым" дип дәшәм. Алар да мине аңлаган сыман". Кунак ашы кара-каршы ди. Бытбылдыклар да Илгиз абыйларын бик ярата, сагына, күрәсең. Алар урнаштырылган бинага керү белән кошлар чыркылдашырга, җилпенә-җилпенә нидер сөйләргә керештеләр. Бүген аларның баш саны меңгә якын. И.Хәйдәров аларның йомыркасына һәм итенә сорау булуын җиткерде. Кошларның баш санын ихтыяҗга карап арттыру күздә тотыла. Бытбылдыкларын үзе карый ул, ә менә иген һәм яшелчә культураларын үстерү вакытында эшчеләр яллый.
Дәүләт программаларында да катнаша фермер. Мелиорация буенча республика программасына эләгеп, чит илдә эшләнгән су сиптерү җайланмалары алып кайткан. Бөтен булган сумманың 25 процентын гына үзенә түләргә туры килгән. Кредитка трактор да алган.
Пайчыларын да онытмый фермер. Бүген аларның барысы да диярлек пенсионер. Корылык булган 2010 елда да Илгиз Хәйдәров аларга икешәр центнер бодай өләшкән. Узган ел да кем фураж, кем бөртек алган.
Әле аның җиде куяны, ун умартасы да бар. "Боларын үзем өчен генә тотам, - диде ул. - Эшенә нык бирелгән, ялкауланмаган кеше гаиләсен карап тормыш алып бара ала. Дүрт бала үстердек, тормышымнан зарланмыйм".
Нәдерлеләр авылдашларын хөрмәт итәргә дияргә тулы җирлек бар. Югыйсә алар биш чакырылыш рәттән Илгиз Хәйдәровны авыл Советы депутаты итеп сайлап, ышаныч күрсәтмәсләр иде. Дәрәҗәле бүләкләргә дә ия ул. Күптән түгел алар янына тагын берсе өстәлде - эшмәкәрлек үсешенә зур өлеш керткәне өчен ул Әлмәт муниципаль районы башкарма комитеты һәм Советының Мактау грамотасы белән бүләкләнде.
И.Апачаева.
Автор фотосы.

Теги: 250
Нравится
Поделиться:
Реклама
Комментарии (0)
  • 23 января 2018 в 16:18
    Әлмәт ветераны альпинизм буенча ярышта I урын алды Якташыбыз альпинизм буенча Татарстанның ачык кубогында I урынны яулады.
    39
    0
    0
  • 23 января 2018 в 16:02
    Әлмәттә үзенчәлекле бәйге узды [+ФОТОЛАР] Юлда йөрү кагыйдәләрен белү һәм юл-транспорт һәлакәтләрен киметү максатын күздә тотып Әлмәттә Кыш Бабай призларына эстафета оештырылды.
    27
    0
    0
  • 23 января 2018 в 15:35
    Әлмәтнең яшь мөгаллимәләре ярыша «Ел тәрбиячесе – 2018» шәһәр бәйгесе кысаларында быел беренче тапкыр яшь мөгаллимнәр арасында «Педагогик дебют – 2018» бәйгесе булып узды.
    72
    0
    0
  • 23 января 2018 в 15:08
    Әлмәтнең яшь гаиләсендә икеләтә шатлык Гаиләдә беренче булып туган балага бирелүче пособиене алуга документлар тапшырган тәүге Әлмәт гаиләсе шушы көннәрдә дәүләт ярдәменнән файдаланды.
    66
    0
    0
  • 23 января 2018 в 15:05
    Өмет өзелде: Төркиядә Гөлсем ханым табып алып тәрбияләгән Россия егете Өмет вафат Төркиянең Анталья шәһәре хастаханәсендә «Пусть говорят» тапшыруы герое вафат булган. Ул милләте буенча рус кеше булган дип фаразлана. Төркиядә бу егетне «Өмет» дип йөрткәннәр. Бу хакта «Анадолу» агентлыгы хәбәр итә.
    151
    0
    1
  • 23 января 2018 в 14:19
    Биш яшьлек бала кар автомобиленнән егылып, башын имгәткән Малай хәзер Республика балалар клиник хастаханәсендә.
    80
    0
    0
  • 23 января 2018 в 13:56
    ВУЗ-2018: УКЫРГА КЕРҮНЕҢ ЯҢА КАГЫЙДӘЛӘРЕ Арбаны кыштан ук әзерләргә кирәк, диләр бит. Шуңа 11нче сыйныфта укучылар кайсы университетка керүләрен бүгеннән уйлап кую яклы. Россия Мәгариф һәм фән министрлыгы бернинди үзгәрешләр булмаячак, дисә дә, алдан белешеп куюың яхшырак. 2018 елда вузларга укырга керүдә нинди яңалыклар көтелә – бүген «Ялкын» шуның турында сөйли.
    91
    0
    0
  • 23 января 2018 в 13:38
    В Татарстане мама, спасая своих детей на пожаре выкинула их из окна В Татарстане мама, спасая своих детей на пожаре выкинула их из окна НОВОСТИ 22 января 2018, 13:51Короткая ссылка Полугодовалый малыш от полученных травм при падении скончался в больнице. 30-летняя девушка из Лениногорска потеряла сына из-за паники. Пожар на улице Спортивная, 2 произошёл 21 января в полночь, когда все спали. Испуганная Валентина Р., чтоб спасти своих детей, решила действовать опрометчиво. Девушка, открыв окно по очереди сбросила со второго этажа сначала своего двухгодовалого ребёнка, а за ним и полугодовалого.
    144
    0
    0
  • 23 января 2018 в 13:26
    В муниципалитетах Татарстана пройдут семинары для членов избирательных комиссий Семинары состоятся 23 — 25 января для членов избиркомов Апастовского, Балтасинского, Буинского, Дрожжановского, Кайбицкого и Кукморского районов.
    50
    0
    0
  • 23 января 2018 в 11:10
    Икмәк валчыгы өчен чәнчеп үтергән Түбән Кама суды иптәшен чәнчеп үтергән 67 яшьлек Иван Андроновка хөкем карары чыгарган, дип хәбәр итә “Эфир” телеканалы. Ир 13 елга ирегеннән мәхрүм ителгән.
    57
    0
    0
  • 23 января 2018 в 10:55
    200 һәм 2000 сумлык купюраны кабул итмәгән өчен 50000 штраф түләтәчәкләр 200 һәм 2000 меңлек купюралар, сирәк булса да, халык арасына чыкты. Кайберәүләр, әлегә сирәк күренгән купюраларны интернет аша кыйбаткарак бәягә сатарга тырышалар. Ә кайбер сатучылар, киресенчә, яңа номиналлы акчаны кабул итәргә теләмиләр.
    68
    0
    0
  • 23 января 2018 в 10:50
    Танцы на шесте для детей: «Обучаю с нуля! Беру всех, всех, всех» В Закамье бурно обсуждают спортивные занятия для дошкольников «на грани»
    89
    0
    0
  • 23 января 2018 в 10:44
    Ябыгам, дисәң... Еллар сынавы узган талгын көй ябыгырга теләүчеләргә булыша икән. Америка галимнәре тикшеренүләре күрсәткәнчә, табында утырганда нинди көй тыңлауга карап, кеше күбрәк яки азрак ашарга сәләтле, имеш. Әлеге бәйлелекне белгечләр тәҗрибә ярдәмендә ачыклаган.
    89
    0
    0
Реклама
  • 30 ноября 2017 в 10:40
    Безопасные и качественные дороги
  • 24 ноября 2017 в 23:20
    Государственные языки