Әлмәттә яшьләр иҗаты фестивале үтәчәк

Парк сәхнәсендә Әлмәтнең иң яхшы яшь башкаручылары һәм яшьләр коллективлары чыгыш ясаячак.

Фонтан янындагы мәйданчыкта «Осталар шәһәрчеге» урын алачак, анда квиллинг, карвинг, флористика, җимеш коктейльләре ясау, курчаклар, мастикадан фигуралар ясау, бисер, резинкалар белән үрү, гитарада уйнау, агачны уеп рәсем ясау, модульле оригами буенча мастер-класслар үтәчәк.

Сезне шулай ук башка кызыклы акцияләр һәм флэшмоблар көтә. Җомга кичендә паркка рәхим итегез!