Әлмәттә ит һәм табигый продуктлар фестивале узачак
20 майда Әлмәттә ит һәм табигый продуктлар фестивале узачак.
Әлеге гастрономия бәйрәме бездә икенче тапкыр оештырыла. Беренчесеннән аермалы буларак, бу юлы чара урамда - «Нефтьче» Мәдәният сарае каршындагы мәйданда уза. Бу исә күңел ачу программасын киңәйтергә, гриль-зона булдырырга, балалар өчен уеннар оештырырга мөмкинлек бирә. Бүгенге көндә республика районнарыннан 25 фермер фестивальдә катнашырга теләк белдергән. Сатуга куелачак товарлар төрлелеге белән җәлеп итә: сыр, ит деликатеслары, какланган, киптерелгән, ысланган һәм тере балык, күркә ите, био-йогурт, каймак, май һәм башкалар. Шулай ук сувенирлар да сәүдә рәтләрен тулыландырачак. Әйдәп баручы ресторан пешекчеләре иттән төрле ризыклар әзерләү буенча мастер-класслар да вәгъдә итә. Фестиваль 10.00 сәгатьтә башлана.
Следите за самым важным и интересным в Telegram-каналеТатмедиа