Әлмәттә икенче шәһәркүләм велопарад уза
Массакүләм велосипедта йөрү 27 майда сәгать 10 да Ленин мәйданыннан старт ала.
Маршрут Ленин урамы, Төзүчеләр проспекты, Бигәш урамы буенча. Велоузышта катнашучылар финишы кече мәйданда булачак. Монда катнашучылар өчен велопикник та оештырыла.
Велосипедта йөрү башланганчы спорт бәйрәмендә катнашучылар һәм кунаклар өчен а "ВелоLady", "ВелоMen", "ВелоFamily", "Сувенир-Альметьевск рулит", "ВелоLook" бәйгеләре оештырыла. Шушында ук "Яшел фитнес"ның иртәнге зарядкасы узачак, Мәскәүнең "Титан" велоклубы триал-шоу һәм мастер-класслар күрсәтәчәк. Велопарадта катнашу өчен бары тик велосипед кына кирәк, алдан теркәлү таләп ителми.
Барыгызны да шимбә, 27 майда 9 сәгатьтә Ленин мәйданында көтеп калабыз!
Следите за самым важным и интересным в Telegram-каналеТатмедиа
Оставляйте реакции
