Әлмәт таңнары

Әлмәт районында “Кайтаваз” реконструкциясе үтәчәк

4 апрельдә 14.00 сәгатьтә Әлмәт районының Чупай авылында күренекле сәүдәгәр һәм меценат Әхмәт байның тормыш юлына багышланган «Кайтаваз» тарихи реконструкциясе булачак.

Театральләштерелгән тамаша XX гасыр башында Әхмәт бай төзегән ак ташлы йорт фонында узачак. Моннан тыш, тарихи реконструкция кысаларында ярминкә, чәй өстәле, шулай ук персонажлар катнашында фотосессия оештырылачак.

Тарихның төрле чорларында Әхмәт бай йорты территориясендә башлангыч мәктәп, совхоз идарәсе, телефон станциясе, авыл китапханәсе, мәдәният йорты урнашкан. Хәзерге вакытта Әлмәтнең мәдәни байлыгы булган ак ташлы утарны Татарстан республикасының мәдәни мирас һәйкәле итеп таныту буенча эш алып барыла.

 

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: