Әлмәттә чыршыларны ачу даталары билгеле булды

Әлмәттә төп чыршыларны ачу бу атнадан башланачак. Бу хакта ӘМР башлыгының матбугат хезмәте хәбәр итте.

Беренче булып Татарстан нефтенә 60 ел исемендәге шәһәр паркында чыршы ачыла. Чара шимбә көнне, 19 декабрьдә 16.00 сәгатьтә була.
Бер атнадан, 25 декабрьдә, берьюлы ике Яңа ел чыршысы ачылачак. 16.30 сәгатьтә беренче бистәдә, Тельман урамында «Татнефть» компетенцияләр үзәге янында бәйрәм мәйданчыгы ачылачак. 17.30 сәгатьтә «Яшьлек» скверында 25 нче мәктәп янында Яңа ел чыршысы ачыла.