Әлмәт таңнары

Әлмәттә торак-коммуналь хуҗалык өлкәсендә координация советының өченче утырышы булды

Утырышта карарга өч мәсьәлә куелды. Төп мәсьәлә халыкка торак-коммуналь хезмәтләр күрсәтүнең сыйфатын күтәрүгә кагылышлы иде.

Бу темага доклад белән район башлыгының киңәшчесе, координация советы секретаре Ансель Рахманкулов чыкты. Ул торак-коммуналь хуҗалык өлкәсендә тупланган проблемаларны хәл кылырга булышлык итәрдәй байтак мәсьәләләрне кузгатты.

Шулай ук "РОСАУДИТ" компаниясе үткәргән аудитның нәтиҗәләре турында утырышта башкарма комитет җитәкчесе урынбасары Рияз Комаров чыгыш ясады. Төзелеш, элемтә, транспорт һәм юл хуҗалыгы идарәсе җитәкчесе Альберт Йосыпов советның элегрәк кабул ителгән карарының үтәлеше турында хәбәр итте.

Утырыш ахырында Мәҗит Салихов торак-коммуналь хуҗалык хезмәт күрсәтүләре өчен озак вакыт түләмәүчеләр белән нык эшләргә тәкъдим итте, алар арасында яхшы тормышта яшәүчеләр дә шактый булуын искәртте.

Нравится
Поделиться:
Реклама
Комментарии (0)
Осталось символов: