Әлмәт үсмерләре җиңеп кайтты [+ФОТОЛАР]

Әлмәт таңнары, 12 февраль 2018 - 13:22

954

5-11 февральдә Екатеринбургта 15-16 яшьлек үсмерләр арасында бокс буенча Россия беренчелеге уздырылды.

Ярышта үз өлкә, республикаларында җиңгән 262 боксчы катнашты. Татарстанның җыелма командасын тәшкил иткән 7 кешенең 4 есе Әлмәттән иде. Тренер Раджив Низамиевның шәкертләре сынатмады. Яков Бодрягин (70 кг, 3 нче мәктәп укучысы) өч тапкыр рингка чыкты һәм өчесендә дә җиңү яулады. Назар Мехтизаде (66 кг, 25 нче мәктәп) өченче урын алды. Калганнар да уңышлы чыгыш ясады. Яков Бодрягин Төмәндә узачак Россия беренчелегендә дә катнашачак. Уңышлы чыгыш ясаган очракта ул Европа беренчелегендә катнашу хокукы алачак.

Следите за самым важным и интересным в Telegram-каналеТатмедиа