Әлмәт таңнары

Хезмәтләрне бәяләргә өйрәник!

Узган җомга көнне район башкарма комитеты җитәкчесе урынбасары В.И.Самойлов җитәкчелегендәге комиссия территориаль иҗтимагый җирле үзидарә Советлары тарафыннан җәйге айларда башкарган эшләрне карап йөрүне дәвам итте.

Комиссия бу көнне 7 ТОСМСта булды. Алга китеп шуны әйтергә кирәк, әлеге җирле үзидарә Советларының да баш предприятиеләре квартал эчләрен төзек-ләндерү буенча зур хезмәт куйган. 5 а ТОСМСының баш предприятиесе "Татнефтепром" ААҖ быел Гагарин урамындагы 21 һәм 22 нче, Ленин урамындагы 48 нче йорт ишегалларын төзекләндергән, кайбер квартал эчендәге юлларга асфальт җәйгән. Әлеге эшләргә 2 миллион сумнан артык акча җәлеп ителгән.
Баш предприятие "Татнефть-Әлмәт РемСервис" ҖЧҖ 18 нче ТОСМСны төзекләндерүгә 500 мең сум акча бүлеп биргән. Әлеге акчалар Чехов урамындагы 20 һәм 22 нче йорт ишегалларын төзекләндерүгә тотылган. Төгәлрәк әйткәндә, бордюрлар алыштырылган, 1136 квадрат метр мәйданга туфрак китерелгән, кер элү мәйданчыгы ясалган, автомобильләр йөри торган юл киңәйтелгән, тротуарлар һәм кер элү мәйданчыкларына асфальт җәелгән һәм башкалар.
"Елховнефть" идарәсенең 3 нче ТОСМСка баш предприятие итеп билгеләнүенә дистә елдан артык вакыт узган. Идарәнең тырышлыгы белән калабызда беренчеләрдән булып төзелгән микрорайон шушы чор эчендә үрнәккә әверелде. 1700 п/м озынлыктагы җылылык трассасы, 1135 п/м озынлыктагы суүткәргеч, бордюрлар алыштырылган, 76300 квадрат метр юл һәм ишегалды мәйданчыкларына асфальт салынган, 250 төп тупыл киселгән, кер элү, балалар мәйданчыклары һәм спорт комплекслары төзекләндерелеп җиһазландырылган, яшүсмерләр клубына ремонт ясалган, хоккей тартмачыгы, агитмәйданчык төзелгән һәм башка эшләр башкарылган. Агымдагы елга бүлеп бирелгән 700 мең сумга Чернышевский урамындагы 4, 6, 10, Вәлиев урамындагы 3, Совет урамындагы 177, 179 нчы йорт ишегаллары юлларына ремонт ясалган. Чаралар уздыру өчен каралган агитмәйданчык, кече архитектура формалары, балалар мәйданчыклары да ремонтланып, буяп яңартылган. "Спартак" яшүсмерләр клубына балалар һәм өлкәннәр белән агымдагы эшләр алып баруга 81 мең сумлык финанс ярдәме күрсәтелгән. 2000 елдан башлап микрорайонны төзекләндерүгә барлыгы 49 миллион 715 мең сум акча тотылган.
3 а ТОСМСы биләмәләре дә елдан-ел яхшыра бара. Быел баш предприятие "АРСУ" ҖЧҖ төзекләндерү эшләренә 200 мең сум акча үзләштергән. Әлеге суммага Маяковский урамындагы 38 һәм 32, К.Цеткин урамындагы 14-16 нчы йорт ишегалларына балалар өчен таганнар, уен формалары урнаштырылган.
13 нче ТОСМС та баш предприятиесеннән уңды. "ТатАИСнефть" җәмгыяте тырышлыгы белән микрорайонда яхшыртылган, асфальт өслек җәелгән юллар саны арта бара. Менә быел да бүлеп бирелгән 500 мең сумга Совет урамындагы 147 нче йорт янындагы 370 квадрат метр мәйдандагы юлга ремонт ясалган һәм асфальт җәелгән. Шушындый ук эш Тельман урамындагы 60 нчы йорт яны юлларында да (Сөләйманова урамы ягыннан) башкарылган.
21 нче ТОСМСның баш предприятиесе - "Татех" ЯАҖ. Быел җәмгыять өч урамдагы чокырлы юлларны ремонтлаган һәм бу эшкә 111,5 мең сум акча җәлеп иткән.
22 нче ТОСМС Урсалыга хезмәт күрсәтә. Аның баш предприятиесе "Бурение" ҖЧҖгә быел территорияне төзекләндерүгә "Татнефть" тарафыннан 500 мең сум акча бүлеп бирелгән. Бу суммага Колхоз урамындагы 550 метр озынлыктагы юлга вак таш салынган. Район бюджетыннан бүлеп бирелгән акчага Заречная урамында да нәкъ шушындый ук эш башкарыла. Болардан тыш, "Татнефть" компаниясе Урсалы урта мәктәбен ремонтлауга 3 миллион сум күләмендә өлеш чыгарган. 22 нче ТОСМСта да Ишегалды бәйрәмнәре уздырыла, өлкәннәр белән эшләүгә зур игътибар бирелә.
ТОСМСлар оештырылганнан алып, алар тарафыннан квартал эчләрен төзекләндерүгә зур көч һәм акча түгелүе һәркемнең күз алдында. Уңайлы ишек аллары, ремонтланган юллар, балалар өчен мәйданчыклар, уен элементлары артканнан-арта бара. Тудырылган бу уңайлык- ларны ватмыйча-җимермичә сакларга иде безгә.
И.Апачаева.

Нравится
Поделиться:
Реклама
Комментарии (0)
  • 18 октября 2017 в 10:51
    Здоров