Әти-әни нык курыккан

10 ел тирәсе бергә гомер иткән пар тату гына йортка юнәлгәннәр. Ачкычлары фатирда онытылып калу сәбәпле, алар ишек шакый башлаган. 8 яшьлек кызлары аларны гел каршы ала торган булган. Шактый озак вакыт шакыганнан соң ишекне ачучы булмагач, ана кайгыра башлаган. Аның ире коткаручыларга ярдәм сорап шалтыраткан. Бәхеткә, алар санаулы минутларда килгәннәр һәм ишекне ачканнар.
Баксаң, кыз дәресләр әзерләп бик арган һәм бераз ятып торыйм дип караватка яткан. Берничә минуттан үзе дә сизми йокыга киткән.
Вакыйга Чаллыда булган.