Шимбә өмәсендә актив катнашкан әлмәтлене бүләк көтә

Лотереяда һәркем катнаша ала. Ул «Чисто - привычно! Начни с себя» шигаре астында уза. Экология министрлыгы игълан иткән әлеге чара барышында катнашучыларга номерлар язылган билетлар биреләчәк. Лотереяның нәтиҗәләре министрлык сайтына һәм инстаграмдагы страничкаларына урнаштырылачак.
Социаль челтәрләргә фотолар куйганда #эковесна хештегын язып, шулай ук экошкола, экогаилә, экопредприятие, эковуз, экосадик номинацияләрендә бәйгедә катнашу мөмкинлеге бар. Конкурс муниципаль районнар арасында да уздырыла.