Җәмгыять
Прививка өчен өч көн ял
РФ Хөкүмәте аппаратында (Сәламәтлек саклау һәм Хезмәт министрлыкларында, Роспотребнадзорда) гриппка каршы прививка ясаткан гражданнарга өч көн ял бирү мәсьәләсен карыйлар икән. Әлеге инициатива сенатор Вадим Тюльпановтан чыккан.
Аның сүзләренә караганда, һәр елны грипп һәм ОРВИ сезоны вакытында әллә никадәр хезмәткәр "больничный"га китә, ә бу исә илнең икътисадына зур зыян сала. Моннан тыш, грипп нык куркыныч авыру санала, чөнки аннан ел саен әллә никадәр кеше үлә. Сенатор мондый аяныч хәлләрне булдырмас өчен, гриппка каршы укол салдыручы хезмәткәргә, җәйге ялына өстәп, түләүле өч көн ял бирергә кирәк дип тәкъдим иткән.
Следите за самым важным и интересным в Telegram-каналеТатмедиа
Оставляйте реакции
